最近周末去左坪洲，朋友揀左一間由社企經營為自閉症青年提供工作機會嘅Cafe。蘑菇星期六去嘅時候太早未開門，所以周圍行左一陣，要留意他們朝早11點先開門呀!除左有室內座位，亦有兩張戶外嘅露營台可以吹吹風。
The Edible Projects (看地圖)
營業時間 : 星期一、二、五、六 11:00 – 17:30 星期日 11:30 – 17:30 星期三及四 休息
地址 : 坪洲坪洲永安街1k號
佢地嘅MENU比較簡單，有4款輕食，其餘都係飲品為主。聽說沙律菜喺自家天台農莊種植，難怪食落咁新鮮而麵包喺坪洲嘅麵包店提供，以下喺其中兩樣輕食(左)雞肉沙律、(右)青醬烤牛肉芝士三文治。
除左沙律同麵包，仲有一個(下圖)意式蛋餅配新鮮沙律，蛋餅有接近一吋嘅厚度，而且配有香草味道，比較特別外面比較少有，值得一試。
除左輕食，我哋都有叫到咖啡，MENU上只喺有黑咖啡、白咖啡，但其實都可以直接叫LATTE等等既款式嘅，而且都可以轉SOYMILK添!咖啡不過不失，高要求咖啡人士就建議去比較Pro嘅咖啡店享用咖啡，但我有留意到即使係有自閉症嘅職員都努力去沖好一杯咖啡!
( 蘑菇聽到佢地話頭幾杯ESPRESSO都好酸 最後倒左再沖 証明左佢地其實都好認真㗎! )
大家如果去坪洲嘅話，有時間就可以考慮去支持The Edible Projects啦!
當作為社會出一點點力，世界因為你又多左一點點愛啦!